Donkerland is ’n dramareeks van 13 uurlange episodes wat op kykNET uitgesaai word. Die reeks is gegrond op die bekroonde gelyknamige verhoogproduksie, geskryf deur die Hertzog-bekroonde Deon Opperman. Donkerland se verhaal speel af oor ’n tydperk van 158 jaar, van 1838 tot 1996. Met die veranderende sosiopolitieke landskap van Suid-Afrika as agtergrond, volg Donkerland die lief en leed van sewe generasies uit ’n setlaarsfamilie en die swart werkersfamilie op die plaas Donkerland in die Weenendistrik van Kwazulu-Natal. Gebruik die Donkerland App om jou kykervaring te verryk met video’s, foto’s en onderhoude oor wat agter die skerms gebeur.